Der etwas andere Holiday Park Artikel
Der Artikel ist aus der Pirmasenser Rundschau und er ist kein Witz, der steht wirklich so drin...
Pirmin Rattedaggel: Macht Bier dumm odder bloß schdumm?: An Mitgift iss noch känner gschdorb!
Am letschde Dinnschdaa hett ich ma jo fascht die Schwindsucht an de Hals geäärt! Inngelaad uff die Gebordsdaasfeier "30 Jahre Holiday Park" noh Hassloch, iss dort uff de Biehn in ämme funkelnachelneie Feschzelt fa 800 Leit aa e Fass Bier a`hgschdeckt wor. Uff ää Schlaach vumm Schdaatssekredär Ernst Eggers vumm Wärtschaftsminischderium in Määnz - grosse Klasse!
Aawer denoh! Froot doch de Wolfgang Schneider, Gaschtgeewer unn Scheff vumm Freizeitpark, e Braumääschder aus Bellheim, ob ma bei uns in de Palz aa so e Schbruch druff hett, wie die Bayre beim Okdowerfescht, wanns als häässt "Ohzapft iss!" Doch der Bellemer Bier-Macher iss schdumm geblibb wie e Fisch uffem Druckne. Bis e Woi-Prinzessin die Sidduatzjohn gerett hat mit ihrm Schbruch: "Zum Wohl. Die Palz."
Do soll unseränner aamer Deiwel kää Kropphals krie'e! Seit eh unn je häässts doch bei uns bei jedem Zappe, wo ins Schbundloch geklobbt wärd: "'s laaft widder" Wie ich dann noch dess Schild gsieh habb, wo iwwer demm Grindkeppche gehank hat, war ich sowieso bedient bis zum Geht-nimmie! "Bellheimer - Die reine Pfalz" hat druff gschdann. Sunscht nix. Dewei nennt sich doch die Firma jetzat schunn länger wie drei Daa "Park-Bellheimer /Pfälzer Privatbrauereien". Unn iss als sellie aa offizjeller Schbonnsor vumm Holiday Park. Genau wie fa de Wetterbericht vumm Südwestrundfunk alle Daa in de Landesschau. Doch dess hat seller schdumme Bellemer Heiner erscht uff Zuruf denne grosse Haufe Gebordsdaasgäscht wisse losse.
Schoints sitzt "Bellheimer" noch uffem hohe Ross wies Wohrzääche fas Bier: e Mannskerl mit Zylinder uffem Kopp, Monokel vorm linke Au unn e Riwwerniwwer am Hals. Soll wohl e Tschentlemänn sinn, sieht awwer bloss aus wie e Schdenz. Degää' iss de Park schunn vor einischer Zeit lääder nix bessres inngfall, als wie ihr aldes Park-Männel zu kaschdriere. Ma hat ihm soi schääner Hut abgenumm, ass dasser "Park" zeitgemäss brässendiert- mit ännre Glatz, rein werbemässisch gsieh. Kännts valleicht sinn, Bier macht aa dumm? Nätt bloss schdumm?
Ich entsinn mich noch, wie de Holiday Park emol Schbonnsor war bei de Rheinland-Pfalz-Radrundfahrt. Mit ännre Etapp vunn Hassloch noh Bärmesens.. Unn de Hauser Uwe vunn de Park iss mitgfahr wie schunn seit Johre. Mit ämme Waa vunn de Brauerei fa Bärmesenser Bier zu vakaafe im ganze Land. Dodemit wär jetzat Schluss, hat ma die Daa do lääse känne. Vunn heit uff morje kää Moos fa Radler uff de Schdrooss. Dewei iss Bärmesens doch d i e Radschbort-Hochburch mit de Zuschauer, unn Bellheim ännie mit Schbitzefahrer! Wie beischbielsweis de Patrick Moster änner war. Ob sich dess bis zum neie Besitzer vunn Park- Bellheimer noch nätt rumgschbroch hat?
Deet der Freddy häässe, wie soi Landsmann, allmächtischer Bierkeenisch vunn de Keeskepp in Holland namens Alfred H. Heineken, deet der die Rundfahrt aussem Schillee-Säckel schbonnsre. Er häässt awwer lääder nätt Freddy, sondern Theo. Unn hat entwedder nix druff. Odder fahrt valleicht liewwer mol noh Lodz als wie mit renommierde Radschbortler dorch die Palz. Dewei lehrt bei uns doch schunn de Volksmund: an Mitgift iss noch känner gschdorb!
PS: Die Rheinland-Pfalz-Rundfahrt 2001 vumm 19. bis 23. September, mit Bärmesens als Ziel unn Schdart vunn Etappe, findt ohne Bärmesenser Bierschbonnsering schdatt. De "Kultursommer Rheinland-Pfalz" mit 1600 Vaa'schdaldunge im ganze Land, geht am 5. unn 6. Mai in Bärmesens los. Der wärd unner Leidung vumm Kultur- unn Sportamt zwische Exe unn Schloßblatz ganz gross gfeiert. Hauptschbonnsor iss - wie schunn seit Johre - die Karlsberg-Brauerei in Homburg. Soll noch äämol änner komme unn saa`e, Saarlänner hette kää Kultur! Die hann viel iwwrisch fa Kultur unn Schbort. Unn halde sich debei an e gscheiter Satz vunn demm beriehmde Bänker Hermann Josef Abs, der wo gsaat hat: "Die Wirtschaft wird an ihren Leistungen für die Gesellschaft gemessen".
RON - RHEINPFALZ ONLINE, Donnerstag, 5. Apr
Jens Uwe Kupka
http://www.henson.com/cards/images/everyday_06s.gif
http://212.227.177.77/JUK/hp_banner.jpg
http://www.hansaparkfan.de
Pirmin Rattedaggel: Macht Bier dumm odder bloß schdumm?: An Mitgift iss noch känner gschdorb!
Am letschde Dinnschdaa hett ich ma jo fascht die Schwindsucht an de Hals geäärt! Inngelaad uff die Gebordsdaasfeier "30 Jahre Holiday Park" noh Hassloch, iss dort uff de Biehn in ämme funkelnachelneie Feschzelt fa 800 Leit aa e Fass Bier a`hgschdeckt wor. Uff ää Schlaach vumm Schdaatssekredär Ernst Eggers vumm Wärtschaftsminischderium in Määnz - grosse Klasse!
Aawer denoh! Froot doch de Wolfgang Schneider, Gaschtgeewer unn Scheff vumm Freizeitpark, e Braumääschder aus Bellheim, ob ma bei uns in de Palz aa so e Schbruch druff hett, wie die Bayre beim Okdowerfescht, wanns als häässt "Ohzapft iss!" Doch der Bellemer Bier-Macher iss schdumm geblibb wie e Fisch uffem Druckne. Bis e Woi-Prinzessin die Sidduatzjohn gerett hat mit ihrm Schbruch: "Zum Wohl. Die Palz."
Do soll unseränner aamer Deiwel kää Kropphals krie'e! Seit eh unn je häässts doch bei uns bei jedem Zappe, wo ins Schbundloch geklobbt wärd: "'s laaft widder" Wie ich dann noch dess Schild gsieh habb, wo iwwer demm Grindkeppche gehank hat, war ich sowieso bedient bis zum Geht-nimmie! "Bellheimer - Die reine Pfalz" hat druff gschdann. Sunscht nix. Dewei nennt sich doch die Firma jetzat schunn länger wie drei Daa "Park-Bellheimer /Pfälzer Privatbrauereien". Unn iss als sellie aa offizjeller Schbonnsor vumm Holiday Park. Genau wie fa de Wetterbericht vumm Südwestrundfunk alle Daa in de Landesschau. Doch dess hat seller schdumme Bellemer Heiner erscht uff Zuruf denne grosse Haufe Gebordsdaasgäscht wisse losse.
Schoints sitzt "Bellheimer" noch uffem hohe Ross wies Wohrzääche fas Bier: e Mannskerl mit Zylinder uffem Kopp, Monokel vorm linke Au unn e Riwwerniwwer am Hals. Soll wohl e Tschentlemänn sinn, sieht awwer bloss aus wie e Schdenz. Degää' iss de Park schunn vor einischer Zeit lääder nix bessres inngfall, als wie ihr aldes Park-Männel zu kaschdriere. Ma hat ihm soi schääner Hut abgenumm, ass dasser "Park" zeitgemäss brässendiert- mit ännre Glatz, rein werbemässisch gsieh. Kännts valleicht sinn, Bier macht aa dumm? Nätt bloss schdumm?
Ich entsinn mich noch, wie de Holiday Park emol Schbonnsor war bei de Rheinland-Pfalz-Radrundfahrt. Mit ännre Etapp vunn Hassloch noh Bärmesens.. Unn de Hauser Uwe vunn de Park iss mitgfahr wie schunn seit Johre. Mit ämme Waa vunn de Brauerei fa Bärmesenser Bier zu vakaafe im ganze Land. Dodemit wär jetzat Schluss, hat ma die Daa do lääse känne. Vunn heit uff morje kää Moos fa Radler uff de Schdrooss. Dewei iss Bärmesens doch d i e Radschbort-Hochburch mit de Zuschauer, unn Bellheim ännie mit Schbitzefahrer! Wie beischbielsweis de Patrick Moster änner war. Ob sich dess bis zum neie Besitzer vunn Park- Bellheimer noch nätt rumgschbroch hat?
Deet der Freddy häässe, wie soi Landsmann, allmächtischer Bierkeenisch vunn de Keeskepp in Holland namens Alfred H. Heineken, deet der die Rundfahrt aussem Schillee-Säckel schbonnsre. Er häässt awwer lääder nätt Freddy, sondern Theo. Unn hat entwedder nix druff. Odder fahrt valleicht liewwer mol noh Lodz als wie mit renommierde Radschbortler dorch die Palz. Dewei lehrt bei uns doch schunn de Volksmund: an Mitgift iss noch känner gschdorb!
PS: Die Rheinland-Pfalz-Rundfahrt 2001 vumm 19. bis 23. September, mit Bärmesens als Ziel unn Schdart vunn Etappe, findt ohne Bärmesenser Bierschbonnsering schdatt. De "Kultursommer Rheinland-Pfalz" mit 1600 Vaa'schdaldunge im ganze Land, geht am 5. unn 6. Mai in Bärmesens los. Der wärd unner Leidung vumm Kultur- unn Sportamt zwische Exe unn Schloßblatz ganz gross gfeiert. Hauptschbonnsor iss - wie schunn seit Johre - die Karlsberg-Brauerei in Homburg. Soll noch äämol änner komme unn saa`e, Saarlänner hette kää Kultur! Die hann viel iwwrisch fa Kultur unn Schbort. Unn halde sich debei an e gscheiter Satz vunn demm beriehmde Bänker Hermann Josef Abs, der wo gsaat hat: "Die Wirtschaft wird an ihren Leistungen für die Gesellschaft gemessen".
RON - RHEINPFALZ ONLINE, Donnerstag, 5. Apr
Jens Uwe Kupka
http://www.henson.com/cards/images/everyday_06s.gif
http://212.227.177.77/JUK/hp_banner.jpg
http://www.hansaparkfan.de